احفادنا تفخر بموروث الاجداد
تبحث عن الماضي وعبق الاصاله
في مهرجان السمن اعوام تنعاد
وترسم معالم شايبٍ مع حلاله
والطفل عينه حددت لقمه الزاد
ورفع يده ( للنحو ) يرخي حباله
(عبدالعزيز بن سحل)
ايام ماكان الولد عز وإسناد
لا امه وابوه وعز عمه وخاله
الصبح تلقى له مع الذود مسناد
وبالليل عند ابوه على دلاله
وقبل قبل يوم العرب حرب وعناد
تلقى الابو جود مناسب خواله
يبي ليا من صار للعلم رداد
وغدا لدكلات الخيول اجتواله
تهابه الفريس وعلومه ابعاد
صميدعً تخشى النشامى قباله
هذا من اول يوم هي ضرب وجهاد
الطيب من القوم يحمي حلاله
واليوم بامن وخير ويوم الامن زاد
ليت الرجل يسلم مشاكل عياله
(سعد الهبداني)
ماهو مصدق عيونه كيف كانوا وكان
ويعيش في نظرته حالة صراع وذهول
يلمح بدائية الماضي! .. وهذا الزمان !
ويطري على باله اللي كان جده يقول
(عايض الشويهر)
مافيه جديد الا ويرجع لصوله
شف كيف عرق الجذع يغذي الاوراق
شدتني صورة طفل والسمن حوله
الطفل شاف السمن وكله له انساق
عرق البداوه عرق ينبض طفوله
مترسخه عروقه ف وسط الاعماق
(خالد العمسي)
